एसईई पूरक परीक्षाको नतिजा प्रकाशित

काठमाडौँ, राष्ट्रिय परीक्षा बोर्डले एसईई पूरक परीक्षाको नतिजा प्रकाशित गरेको छ । राष्ट्रिय परीक्षा बोर्डले साउन २३ गते देखि ३१ गतेसम्म सञ्चालन गरेको माध्यमिक शिक्षा परीक्षा (कक्षा १० को पूरक ग्रेडवृद्धि परीक्षा) को नतिजा सोमबार प्रकाशन गरेको हो ।
पूरक ग्रेडवृद्धि परीक्षामा ५६.७८ प्रतिशत परीक्षार्थीहरूले ग्रेड प्राप्त गरेको राष्ट्रिय परीक्षा बोर्डले जनाएको छ । परीक्षामा सहभागी भएका २ लाख १० हजार ३२१ परीक्षार्थी मध्ये १ लाख १९ हजार ४२५ परीक्षार्थी अर्थात ५६.७८ प्रतिशत परीक्षार्थीहरुले ग्रेड प्राप्त गरेका परीक्षा बोर्डले जनाएको छ ।
राष्ट्रिय परीक्षा बोर्डको वेबसाइट र परीक्षा नियन्त्रण कार्यालय कक्षा १० को वेबसाइट बाट नतिजा सहजरुपमा हेर्न सकिने व्यवस्था गरिएको छ ।