आइतबार शेयर बजारमा उच्च गिरावट

शेयर बजारमा नेप्से परिसूचक ६ प्रतिशतले घटेपछि नेगेटिभ सर्किट लागेर निर्धारित समय अगाडि नै कारोबार बन्द भएको छ । नेपाल राष्ट्र बैंकले मौद्रिक नीतिको पहिलो त्रैमासिक समिक्षामार्फत शेयर धितो कर्जामा पुनरावलोकन गर्ने बताएपछि आइतबार बजारमा उच्च गिरावट देखिएको छ । यस्तै एक महिनामा ४ सय अंक बढीले बढेको बजारमा अल्पकालिन लगानीकर्ताले नाफा सुरक्षित गर्न विक्रीचाप बढाएकाले पनि बजार ओरालो लागेको हो । आइतबार मात्रै नेप्से परिसूचक ६ प्रतिशत अर्थात १ सय २३ दशमलव ३४ अंकले घटेर १ हजार ९ सय ३२ दशमलव ११ अंकमा बन्द भएको छ । नेप्सेमा आज भएको गिरावट अहिले सम्मकै उच्च हो । यस्तै क वर्गका कम्पनीहरुको कारोबार मापन गर्ने सेन्सेटिभ परिसूचक पनि ५ दशमलव ५१ प्रतिशत अर्थात २१ दशमलव ६२ अंकले घटेर ३ सय ७० दशमलव ६७ अंकमा बन्द भएको छ । आज नेप्सेमा ६ प्रतिशतको नकारात्मक सर्किट लाग्दा २ बजेर १४ मिनेटमा नै कारोबार बन्द हुन पुग्यो ।

दिनभर १ सय ९७ कम्पनीको ७ अर्ब २० करोड ९१ लख ८० हजार २ सय १३ रुपैयाँको १ करोड ५४ लाख ९० हजार ७८ कित्ता शेयर खरिद विक्री भएको छ । कारोबार संख्या ६१ हजार ८ सय ५८ रहेको छ । कारोबारमा आएका सबै समूह घटेका छन् । सबैभन्दा धेरै अन्य समूह ९ दशमलव १३ प्रतिशतले घटेको छ । त्यपछि जीवन बीमा समूह ८ दशमलव २६ प्रतिशत, उत्पादन तथा प्रशोधन ७ दशमलव ५९ प्रतिशत, व्यापार समूह ७ दशमलव ४२ प्रतिशत, लघुवित्त ७ दशमलव ०३ प्रतिशत, निर्जीवन बीमा ५ दशमलव ७४ प्रतिशत, जलविद्युत ५ प्रतिशत, बैंकिङ ४ दशमलव ३३ प्रतिशत, होटल ४ प्रतिशत, विकास बैंक ३ दशमलव ४४ प्रतिशतले घटेका छन् ।

बजारमा सबैभन्दा धेरै कारोबार पुनर्बीमा कम्पनीको १ अर्ब १६ करोड रुपैयाँ बढीको भएको छ । बजारमा उच्च गिरावट आएपनि नौवटा कम्पनीका शेयरधनीले कमाएका छन् । रिलायन्स फाइनान्सका शेयरधनीले २ दशमलव २९ प्रतिशतले कमाएका छन् । यस्तै हिमालयन बैंकको डिबेन्चर, कर्पोरेट डेभलपमेन्ट बैंक, नारायणी डेभलपमेन्ट बैंक, मन्जुश्री फाइनान्स लगायतका कम्पनीका शेयरधनीहरुले कमाएका छन् । डिप्रोक्स लघुवित्त वित्तीय संस्थाका शेयरधनीले १० प्रतिशतले गुमाएका छन् । यस्तै पुनर्बीमा कम्पनी, सान्जेन जलविद्युत कम्पनी, नेपाल दुरसञ्चार कम्पनी, हिमालयन डिस्टिलरी, शिवम सिमेन्ट, हिमालयन जेनरल इन्स्योरेन्स कम्पनी लगायतका कम्पनीका शेयरधनीले पनि झण्डै १० प्रतिशतले गुमाएका छन् ।

सेयर गर्नुहोस्
  •  
  •  
  •  
  •  
  •  
  •  

Taja Update

Most catchy Newsportal of Nepal.

Leave a Reply

Your email address will not be published. Required fields are marked *

Next Post

अर्थतन्त्रलाई माथि उठाउन उद्योग र श्रमिकहरुबीच समन्वयको आवस्यकता रहेको सरोकारवालाहरुको भनाइ

Mon Dec 7 , 2020
कोभिड-१९ बाट प्रभावित अर्थतन्त्रलाई माथि उठाउन उद्योग र श्रमिकहरुबीच समन्वयको आवस्यकता रहेको सरोकारवालाहरुले बताएका छन् । कोभिड १९ का कारण रोजगारी र औद्योगिक क्षेत्रको सम्बन्धमा अरेको असर सम्बन्धी अन्तरक्रिया कार्यक्रममा बोल्दै सरोकारालाहरुले विपदको अवस्थामा श्रमिक र रोजगारदताबीच समन्वय गरेर अगाडि बढ्नुको विकल्प नभएको बताएका हुन् । नेपाल उद्योग वाणिज्य महासंघका […]