१८ असार, काठमाडौं । निर्बाचन आयोगलाई अर्थ मन्त्रालयले निर्वाचनका लागि ७ अर्ब ७२ करोड ८३ लाख रुपयाँ दिएको छ ।
प्रतिनिधिसभा सदस्य निर्वाचन २०७८ को सञ्चालन र व्यवस्थापनको लागि उक्त रकम निर्वाचन सामग्री लगायत अन्य सामाग्रीहरु खरिद तथा निर्वाचन व्यवस्थापनमा खर्च हुनेछ ।
२०७८ साल कार्तिक २६ गते शुक्रवार पहिलो चरण र मंसिर ३ गते शुक्रवार दोस्रो चरण गरी दुई चरणमा सम्पन्न हुने प्रतिनिधिसभा सदस्य निर्वाचनका लागि आवश्यक पर्ने रकमको कुनै अभाव हुन नदिने गरी अर्थ मन्त्रालयले उक्त सहमति दिएको बताएको छ ।
सरकारले चुनाव गर्न मिति घोषणा गरेपछि आयोग त्यसको तयारीमा जुटिसकेको छ ।
